Ba’zi ota-onalar qorindagi bola o‘g‘ilmi yoki qiz ekanligini bilishga harakat qilaveradilar. Buning uchun ultratovush tadqiqoti (UZI) qildiradilar. Natija ular xohlaganicha chiqmasa (Alloh saqlasin!), xossatan, qiz bo‘lgan holatda homilani nobud qildirishdan ham tap tortmaydilar. Shu tarzda o‘zlarini o‘ta nodon ekanliklarini isbotlaydilar. Chunki, qanchalik ilmiy tadqiqot bo‘lmasin, ular gumonga asoslanadilar. Biror turli aniq qaror bera olmaydilar. Shuning uchun sizga aytilgan narsa, aksi bo‘lib qolishi ham mumkin.
Farzandlar borasida faqat Allohning xohishiga rozi turishdagina omonlik va xotirjamlik bor. Qiz tug‘ilganida uning onasiga yomon muomala qilishlik sababli yana Alloh taoloning la’nati va g‘azabi yog‘ilib qolmasin. Quyida bir ibratli hayotiy voqeaga diqqat qiling:
Kashmirning bir mintaqasida bir shaxsning beshta qizi bor edi. Oltinchi marta farzand tug‘ilishi kutilayotgan edi. Er ayoliga ayoliga: agar bu safar ham qiz tug‘sang, u holda seni yangi tug‘ilgan qizing bilan birga o‘ldiraman, dedi. Muborak ramazon oyining uchinchi oxirgi kechasida yana qiz tug‘ildi. Tong paytida qizning onasi dod-voy qilishiga qaramasdan, zolim ota o‘zining guldek hayot qizini yog‘och qozonchaga solib o‘choqda yoqib yubordi... Birdaniga yog‘och qozoncha yorildi va o‘sha zahoti daxshatli zilzila sodir bo‘ldi. Zolim ota baqraygancha yer ostiga g‘arq bo‘ldi. Uni yer yutib yubordi... Qizning onasi yarador holatda saqlanib qolindi. Ehtimol, aynan shu orqali bu qayg‘uli voqea oshkor bo‘lgandir....
Manba: muslim.uz
