Bugun Ommaviy axborot vositalari uchun kontent tayyorlash markazida Yangi O‘zbekistonning bir yillik siyosiy, iqtisodiy va ijtimoiy hayotini jamlagan katta hujjatli to‘plam — “Yurt qayg‘usida 365 kun” kitobi taqdim etildi.
Bu kitobda quruq statistika yoki oddiy xronika yo‘q. Unda Prezident Shavkat Mirziyoyevning 2025-yil davomida amalga oshirgan tashriflari, xalq bilan muloqotlari, xalqaro muzokaralari, yirik islohotlari va mamlakat hayotidagi eng muhim o‘zgarishlar bir butun jarayon sifatida jamlangan.
Eng qiziq jihatlaridan biri — kitobni o‘qir ekansiz, bir yil ichida mamlakat qanday sur’atda o‘zgarganini real faktlar, fotolar, tahlillar va QR-kodlar orqali bosqichma-bosqich kuzatish mumkin.
Iqtisodiyotdan tortib ekologiya, ta’lim, energetika, uy-joy siyosati va “yashil iqtisodiyot”gacha bo‘lgan yo‘nalishlar yagona manbada uyg‘un jamlangani ushbu nashrning ahamiyatini yanada oshiradi.
Taqdimotda qatnashganlar ta’kidlaganidek, “Yurt qayg‘usida 365 kun” — bu shunchaki kitob emas, Yangi O‘zbekiston qanday shakllanayotganini his qilish imkonini beruvchi tarixiy manba.
Yana bir davlat Eronga maxfiy ravishda hujum uyushtirgan
10 ming qadam yurganlarga pul to‘laydigan platforma ishga tushdi
Orol Pekinga tegishli emas va unga bo‘ysunmaydi
