O‘zbekiston aholisi 15 yil ichida 50 million nafarga yetishi kutilmoqda

Yaqin 15 yil ichida O‘zbekiston aholisi 38 milliondan 50 million nafarga, urbanizasiya darajasi esa 51 foizdan 65 foizga yetishi kutilmoqda. Bu haqda Bokudagi Butunjahon urbanizasiya forumining 13-sessiyasi doirasida bo‘lib o‘tgan Yetakchilar sammitida Prezident Shavkat Mirziyoyev ma’lum qildi.

Davlat rahbarining ta’kidlashicha:

— O‘zbekistonda oxirgi o‘n yilda qurilayotgan uy-joylarning yillik soni 10 barobar oshib, 2025 yilda 238 mingta xonadonga yetdi, 2030 yilda ushbu raqamni yana 1,5 barobar oshiriladi;

— aholini arzon uy-joy bilan ta’minlash dasturlariga har yili byudjetdan qariyb 2 milliard dollar mablag‘ ajratilmoqda;

— norasmiy turar joylar muammosini hal qilish uchun 2024 yilda alohida qonun qabul qilinib, 100 mingga yaqin uyga hujjat rasmiylashtirib berildi;

— eskirgan uy-joylarni yangilash maqsadida renovasiya hisobiga quriladigan xonadonlar ulushini 15 foizdan 60 foizga yetkazish reja qilib olindi.