Bir vaqtda ishlab-o‘qiyotganlar e’tiboriga: stajga qachon qo‘shiladi, qachon yo‘q?

- Oliy ta’lim muassasasida o‘qiyman va shu bilan birga boshqa tashkilotda ishlayman. Oliy ta’lim muassasasida o‘qigan davrim ham ish stajiga hisoblanadimi?

Ayni bir vaqtda ham ishlab ham o‘qiyotgan fuqarolarga faqat tashkilotda ishlayotgan davrlari ish stajiga hisoblanadi.

Oliy ta’lim muassasasida (kunduzgi) o‘qish davrida ishlamayotgan bo‘lsa, mazkur holatdagina o‘qish davri ish stajiga qo‘shib hisoblanadi.

Ma’lumot uchun: Oliy ta’lim muassasasida o‘qish davri ish stajiga qo‘shib hisoblanishi uchun fuqaroda kamida 7 yil ish staji bo‘lishi talab etiladi.