Bill Klinton va rafiqasi Xillari ko‘rsatma berishga rozi bo‘ldi

AQSh sobiq prezidenti Bill Klinton va rafiqasi Xillari Epshteyn ishi bo‘yicha ko‘rsatma berishga rozi bo‘ldi. Bu haqda Sky News xabar bermoqda.

Eshituvlar AQSh vakillar palatasida bo‘lib o‘tadi. Avvalroq Klintonlar ishtirok etishdan bosh tortgandi. O‘shanda respublikachilar ularni kongressga hurmatsizlikda ayblash bilan tahdid qilgan.

Er-xotinning himoyachisi so‘roqning davomiyligini to‘rt soat bilan cheklash va savollar doirasini toraytirishni taklif qilgan. Ammo bu rad etilgan. Bill Klinton Epshteyn ishi bo‘yicha maxfiylikdan chiqarilgan fotosuratlarda aks etgan.