Barselona hayvonot bog‘idagi to‘rtta sherda koronavirus aniqlangan. Bu ushbu turdagi hayvonlarda "Covid-19" bilan zararlanishning ikkinchi holati hisoblanadi. Aprelda Nyu-Yorkda ham sherlarda koronavirus aniqlangan edi.
Manbaning yozishicha, hayvonlarda koronavirusning yengil alomatlari paydo bo‘lgandan keyin sherlar va hayvonot bog‘i xodimlaridan test olingan. Test natijalariga ko‘ra, to‘rtta sher va ikki nafar bog‘ xodimida virus aniqlangan.
Shundan so‘ng Barselona veterinariya xizmati Nyu-Yorkdagi Bronks hayvonot bog‘idagi hamkasblari bilan bog‘langan. Negaki, aprel oyida bu yerda to‘rtta yo‘lbars va uchta sherda "Covid-19" aniqlangan edi.
«Sherlarda kasallik yengil o‘tdi, ular muvaffaqiyatli davolandi», deydi hayvonot bog‘i xodimi.
Ma’lum qilinishicha, arslonlar 16 yoshda, ular boshqa hayvonlar bilan aloqada bo‘lmagan. Ayni paytda mutaxassislar yirtqichlarga kasallik qanday yuqqanini aniqlashmoqda.
Eron yetakchisi Ali Xomanaiy komada
Rossiya Britaniyaning “Storm Shadow” raketasini ham, AQShda ishlab chiqarilgan HIMARS reaktiv raketasini ham yo‘q qildi
«Koinot go‘zali» tanlovi g‘olibi aniq bo‘ldi
