"Barselona" kiberhujumga uchradi

Ispaniyaning "Barselona" klubi "Vissel Kobe"ga qarshi o‘yin translyasiyasi bilan bog‘liq muammolar uchun uzr so‘radi.

Kataloniyaliklar mehmondagi o‘rtoqlik o‘yinida Yaponiya jamoasini mag‘lub etishdi (3:1).

"Barselona"ning striming platformalari turli sahifalar tomonidan "Vissel Kobe"ga qarshi mavsumoldi o‘yinining jonli translyasiyasini to‘xtatishga uringan keng ko‘lamli hujumga uchradi. So‘rovlar ko‘chkisi natijasida tizim tegishli xavfsizlik mexanizmlarini faollashtirdi, bu esa veb-sayt va Culers ilovasidagi translyasiyaga ta’sir qildi.

"Biz darhol uning translyasiyasini kafolatlash uchun klubning YouTube-platformasida o‘yinga bepul kirishni ta’minlashga qaror qildik. Klub yuzaga kelgan noqulayliklar uchun uzr so‘raydi va jabrlanganlarning barchasi bilan bog‘lanadi", — deyiladi "ko‘k-anorranglilar" rasmiy saytida.