"Barselona" himoyachisi klubdan ketishi aniq bo‘ldi

"Barselona"ning o‘ng qanot himoyachisi Ektor Fort tez orada klubni tark etadi. 19 yoshli futbolchi 16 avgust kuni bo‘lib o‘tadigan La Liga 1-turidan o‘rin olgan "Malyorka"ga qarshi o‘yin qaydnomasiga kiritiladi va uchrashuv yakunlangach, ijaraga ketadi, deb xabar beradi Sport.

Ayni paytda o‘yinchida bir nechta takliflar bor - yaqin kunlarda ulardan birini qabul qiladi.

Avvalroq, "Barselona" Ektor Fortga ijaraga ketishni tavsiya qilayotgani, u Jyul Kunde va Erik Garsiya bilan asosiy tarkib uchun raqobatda g‘alaba qozona olmasligi haqida xabarlar tarqalgan edi.

Yosh ispaniyalik "ko‘k-anorranglilar"ning asosiy jamoasi safida jami 30 ta o‘yin o‘tkazib, 3 ta golli uzatmani o‘z hisobiga yozdirib qo‘ydi.