«Barselona» futbolchisi «Xetafe» bilan o‘yinda irqchilikka uchradi

Aleks Balde «Xetafe»ga qarshi o‘yinda irqchilikka uchradi.

«Barselona» La Liganing 20-turida «Xetafe» bilan mehmonda durang o‘ynadi - 1:1. Mehmonlar himoyachisi bahs davomida mezbonlar muxlislari tomonidan haqoratlanganini aytdi.

«Men irqiy kamsitishlarga duchor bo‘ldim. Bu davom etmasligi kerak. Bu birinchi bo‘limda sodir bo‘ldi va men bu haqda protokolni faollashtirgan hakamga aytdim.

Men protokol qanday ishlashini aniq bilmayman. Nima bo‘lganini unutishga harakat qilishim kerak», — deya kataloniyaliklar futbolchisining so‘zlarini keltiradi AS.