«Barsa» Zidanni kuzatmoqda

"Barselona" markaziy himoya pozisiyasiga mashhur sobiq futbolchi va murabbiyi Zinedin Zidanning o‘g‘li Elias Zidanni olib kelishi mumkin.

Sport xabariga ko‘ra, kataloniyaliklar hozirda "Betis" yoshlar jamoasi tarkibida harakat qilayotgan 19 yoshli futbolchini kuzatmoqda. Agar Zidan mavsum davomida o‘zini ko‘rsata olsa, kataloniyaliklar uni 2026 yilning yozida erkin agent maqomida o‘z safiga qo‘shib olishi mumkin bo‘ladi.

Kichik Zidan hozirgacha "Betis Deportivo" safida 22 ta o‘yin o‘tkazgan. Uning hisobida golli harakatlar yo‘q.