Ma’lumotlarga ko‘ra, ikki kun ichida shaharning ayrim hududlariga 300 millimetrga yaqin yog‘ingarchilik tushgan. Shaharning barcha 50 tumanida ofat rejimi e’lon qilingan.
Minglab aholi uylarini tark etishga majbur bo‘lgan. Ular uchun 230 dan ortiq vaqtinchalik joylashtirish punktlari tashkil etilgan. Hokimiyat halokatlarning asosiy sabablari sifatida suvga cho‘kish va elektr tokidan zararlanish holatlarini keltirgan.
Toshqin Tailandning eng yirik Suvarnabxumi aeroporti faoliyatiga ham jiddiy ta’sir ko‘rsatgan. Minglab bagajlar aeroportda to‘planib qolgan, ayrim reyslar bekor qilingan. Shaharda maktablar yopilgan, transport harakati esa sezilarli darajada qiyinlashgan.
Ayrim hududlarda suv chekina boshlagan bo‘lsa-da, bosh vazir Anutin Charnvirakul xavf hali saqlanib qolayotganini aytdi. Meteorologlar kelasi haftada yana kuchli yomg‘irlar yog‘ishini prognoz qilmoqda.
Nega Isroil O‘zbekistonga qiziqib qoldi?
Ayiq ovlaganlarga pul mukofoti va’da qilindi
Aeroportda yangi tug‘ilgan chaqaloq va uning onasi vafot etdi
