Birlashgan Arab Amirliklarida kunlik neft qazib olish ko‘rsatkichlari kutilmaganda pasayib ketdi. Bunga mintaqadagi beqarorlik va Eron bilan davom etayotgan geosiyosiy ziddiyatlar asosiy sabab sifatida ko‘rsatilmoqda.
Vaziyatning keskinlashuvi va Ho‘rmuz bo‘g‘ozining vaqtincha yopilishi ortidan Amirliklarning davlat neft kompaniyasi — "ADNOC" keng ko‘lamli ishlab chiqarish jarayonlarini to‘xtatishga majbur bo‘ldi. Bo‘g‘oz orqali tankerlar qatnovi cheklangani sababli, qazib olingan xomashyoni eksport qilish imkoniyati keskin kamaygan.
Xalqaro ekspertlarning fikricha, BAA kabi yirik yetkazib beruvchining faoliyatidagi bunday uzilishlar global energiya bozorida jiddiy qisqarishni yuzaga keltiradi. Bu esa yaqin kunlarda jahon bozorida neft narxlarining sezilarli darajada yuqorilashiga olib kelishi mumkin.
"Bunday keskin pasayishlar nafaqat mintaqaviy, balki global iqtisodiy jarayonlarga ham salbiy ta’sir ko‘rsatadi. Ayniqsa, energiya resurslariga bog‘lanib qolgan ishlab chiqarish sektorlarida qiyinchiliklar yuzaga kelishi ehtimoli yuqori", — deyiladi tahliliy hisobotlarda.
Hozirda mutaxassislar vaziyatning yanada barqarorlashishini va transport yo‘laklarining to‘liq ochilishini kutishmoqda.
BMTda uyat va bema’nilik teatri
Eron Isroilga o‘ta og‘ir ballistik raketalar bilan kuchli hujum uyushtirdi
Tramp dunyo davlatlaridan yordam so‘radi
