«Ayo Sofiya» masjidi — jahon me’morchiligi tarixining bugungi kungacha yetib kelgan eng muhim yodgorliklaridan biri. U o‘zining me’morchiligi, ulug‘vorligi, hajmi va funksionalligi jihatidan san’at olamida muhim o‘rin tutadi.
Istanbulda ushbu masjidning muzeyi bor. «Ayo Sofiya» tarix va tajriba muzeyi sizga masjidning taxminan 1700 yillik tarixini hikoya qiladi. Eng muhimi, siz bu tarixni o‘z ko‘zingiz bilan ko‘rasiz va quloqchin orqali o‘zbek tilida ham eshita olasiz!
Muzeyning uchinchi qavatida Rim imperiyasi davrining ziddiyatli, qiziqarli tarixiga guvoh bo‘lasiz, ikkinchi qavatda esa Usmonlilar davri yangi avlod texnologiyalari taqdim etgan imkoniyatlardan foydalangan holda taqdim etiladi, siz videotasvir orqali o‘sha davrga qaytgandek bo‘lasiz.
Muzeyning birinchi qavatida to‘rtta bo‘lim mavjud bo‘lib, unda aksariyat asarlar birinchi marta namoyish etiladi: cherkov, masjid, muzey va yana masjid.
Bundan tashqari, binoning birinchi qavatidagi derazalardan Sharqiy Rim davridagi sardobani ko‘rish mumkin.
«Ayo Sofiya» tarixi va tajribasi muzeyi «Ayo Sofiya»ning boy tarixini yaxlit nuqtai nazar bilan his qilishni istaganlar uchun noyob tajriba taqdim etadi.
Texas ko‘lida 2 metrlik mahluq qo‘lga tushdi, bu jahon rekordi bo‘lishi mumkin
"Real"ni vaqtincha kim boshqarishi mumkinligi ma’lum bo‘ldi
Toj Mahal bugungi kunda qurilganda u qanchaga tushardi?
