Avtotransportlarga ekologik stikerlarni berish tartibi belgilandi

Hukumat qarori (750-son, 28.11.2025 y.) bilan tegishli nizom tasdiqlandi.

Nizomga ko‘ra, quyidagi mezonlarga asosan avtomobillar ekologik toifalarga ajratiladi:

▪️benzin, siqilgan va suyultirilgan gaz yoqilg‘isi bilan harakatlanuvchi:

▪️ “Evro-2” va undan yuqori ekologik sinfiga kiruvchi transport vositalari – “toza” ekologik toifaga;
▪️ “Evro-0” va “Evro-1” ekologik sinfiga kiruvchi transport vositalari – “o‘rta” ekologik toifaga;

▪️ dizel yoqilg‘i turi bilan harakatlanuvchi:

▪️ “Evro-4” va undan yuqori ekologik sinfiga kiruvchi transport vositalari – “toza” ekologik toifaga;
▪️ “Evro-3” ekologik sinfiga kiruvchi transport vositalari – “o‘rta” ekologik toifaga;
▪️ “Evro-0”, “Evro-1” va “Evro-2” ekologik sinfiga kiruvchi transport vositalari – “zararli” ekologik toifaga;

▪️gibrid avtomobillar, muqobil yoqilg‘i turlarida xarakatlanuvchi transport vositalari hamda ishlab chiqarilganiga 3 yildan oshmagan transport vositalari – “toza” ekologik toifaga.

Transport vositalarini ro‘yxatga olish va qayta ro‘yxatga olish jarayonida ularning toifalariga mos ravishda “yashil”, “sariq” yoki “qizil” rangli ekologik stikerlar Davlat yo‘l harakati xavfsizligi bo‘linmalarida ekologik operatorlar tomonidan beriladi.

Transport egasi ixtiyoriy ravishda ekologik stiker olish uchun Yo‘l harakati xavfsizligi xizmatiga uning rasmiy veb-sayti yoki YAIDXP (my.gov.uz) orqali murojaat qiladi.

Ariza belgilangan mezonlarga muvofiq bo‘lganda, trasport vositasiga uning ekologik toifasiga mos bo‘lgan ekologik stikerlardan biri taqdim etiladi.

Ekologik stikerlar muddatsiz davrga beriladi.