Avtomashina poyezd bilan to‘qnashdi, uch kishi halok bo‘ldi

Moskva viloyatidagi Zaprudnya stansiyasi yaqinidagi temir yo‘l kesishmasida poyezd va VAZ avtomobili to‘qnashdi, natijada uch kishi halok bo‘ldi.

Bu haqda TASS Rossiya Ichki ishlar vazirligining Moskva viloyati bo‘yicha Bosh boshqarmasi matbuot xizmatiga asoslanib xabar berdi.

Hodisa 6 iyun yakshanba kuni soat 06:40 da sodir bo‘lgan. Natijada, mashinada bo‘lgan uch kishi halok bo‘ldi.

Hozir voqea joyida polisiya xodimlari ishlamoqda. Voqea sodir bo‘lgan holatlar va sabablar aniqlanmoqda.