Avstriyaning Karintiya federal yeridagi kafelardan biri mijozlar bank kartasi orqali to‘lov qilganda hisobga avtomatik ravishda 5 foiz choychaqa qo‘shishni boshladi. Bunda qo‘shimcha to‘lov mijozga xizmat ko‘rsatish sifati yoqqan-yoqmagani yoki u umuman choychaqa qoldirishni xohlashiga bog‘liq emas. Bu haqda Avstriyaning 5 Minuten nashri xabar berdi.
Kafe egasining tushuntirishicha, mazkur qoida faqat stol atrofida o‘tirib, ofisiantlar xizmatidan foydalanadigan mijozlarga nisbatan qo‘llaniladi. Uning aytishicha, ko‘pchilik karta orqali to‘lov qilganda choychaqa qoldirishni unutib qo‘yadi. Bundan tashqari, to‘lov terminali choychaqa miqdorini mustaqil ravishda belgilash imkonini bermaydi.
Tadbirkor ushbu tartib orqali xodimlarni qo‘llab-quvvatlashga qaror qilgan.
Biroq kafe egasi yangi qoidani bekor qilish ehtimolini ham istisno etmayapti. Uning ta’kidlashicha, so‘nggi paytlarda, ayniqsa, yosh mijozlar karta orqali to‘lov qilishda hisob summasini o‘z xohishlari bilan yaxlitlab to‘lashni tobora ko‘proq boshlagan.
Agar bu tendensiya davom etsa, majburiy 5 foizlik choychaqa amaliyoti bekor qilinishi mumkin.
MrBeast: “O‘zbekistonda muxlislarim shu qadar ko‘pki, balki ketishimizga to‘g‘ri kelar”
Nega aynan Erkinjon Turdimov? Bu qaror ortida qanday omillar turibdi?
Germaniya Rossiya bilan dizel yoqilg‘isi yetkazib berish bo‘yicha kelishuv tuzishni taklif qildi
