Avstriya uch nafar rossiyalik diplomatni mamlakatdan chiqarib yubordi

Avstriya uchta rossiyalik diplomatni persona non grata deb e’lon qildi.

Reuters agentligining xabar berishicha, Avstriya tashqi ishlar vaziri Beate Maynl-Rayzinger bu qarorni diplomatik bino tomlaridagi ko‘plab antennalar josuslik uchun ishlatilishi mumkinligi sababli e’lon qildi.

"Diplomatik daxlsizlikning josuslik uchun ishlatilishi qabul qilinishi mumkin emas", dedi u va diplomatlar allaqachon mamlakatni tark etganini ta’kidladi.

Agentlik ma’lumotlariga ko‘ra, 2020 yildan beri Avstriya tomonidan chiqarib yuborilgan rossiyalik diplomatlar soni 14 taga yetdi.