Avstraliyada qalin qor: o‘n minglab uylar elektr ta’minotidan uzildi, yuzdan ortiq avtomobil qor ostida qolib ketdi…

Avstraliya sharqidagi bir qator shaharlar dam olish kunlarida so‘nggi o‘n yilliklardagi eng qalin qor qatlami bilan qoplandi.

Yangi Janubiy UYElsning shimoliy hududlarida 40 santimetrgacha qor yog‘di, bu 1980-yillarning o‘rtalaridan beri rekord miqdor edi. Kvinslendning ayrim hududlarida o‘n yil ichida birinchi marta qor yog‘di.

Misli ko‘rilmagan qor yog‘ishi, kuchli yomg‘ir va momaqaldiroq sabab 1455 ta hodisa sodir bo‘ldi. 100 dan ortiq avtomobil qor ostida qolib ketdi, bo‘ronlar binolarga zarar yetkazdi, bir nechta yirik suv toshqini haqida ogohlantirishlar berildi. O‘n minglab uylar elektr ta’minotisiz qoldi.