Avstraliyada 69 ta maktab sehrli qum tufayli yopildi

Avstraliyaning Kanberra shahrida 69 ta maktab asbest bilan ifloslanganligi sababli shu hafta boshida yopildi.

ABC telekanali xabar berishicha, xavfli modda qum qal’a to‘plamlari va sehrli qumda uchraydi.

Xavotir sehrli qum ishlab chiqaradigan Kmart va Target mahsulotlarida asbest izlari topilganidan keyin paydo bo‘ldi. Rasmiylarning tushuntirishicha, bu mahsulotlar maktablarda ular kutganidan ham tez-tez ishlatilgan.

Yopiq ta’lim muassasalarini tekshirish bir necha kun davom etishi mumkin. Maktab xodimlari va ko‘ngillilar sinf xonalari, koridorlar va omborlarda rangli qumni qidirmoqda va topilgan narsalarni xaritaga tushirmoqda.