Armanistonda muddatli harbiy xizmatni o‘tash uchun eng yuqori yosh chegarasini 27 dan 37 yoshgacha ko‘tarish taklif qilinmoqda. Ushbu qonunchilik tashabbusini hukmdor “Fuqarolik shartnomasi” partiyasi deputati Ayk Sarkisyan ilgari surdi. Bu haqda “Sputnik Armeniya”ga tayanib "Daryo" xabar bermoqda.
Taklif doirasida “Harbiy xizmat va harbiy xizmatchilar maqomi to‘g‘risida”gi qonunga o‘zgartirishlar, shuningdek, “Davlat boji to‘g‘risida”gi qonun hamda Armaniston Jinoyat kodeksiga qo‘shimchalar kiritish ko‘zda tutilgan.
Xizmat uchun yosh chegarasini oshirishdan tashqari, 18 yoshgacha fuqaroligini o‘zgartirgan erkaklar uchun 15 million dram (taxminan 40 ming dollar) miqdorida boj belgilash taklif etilmoqda. Bu summa 27 yoshdan oshgan, harbiy xizmatdan bo‘yin tovlagan fuqarolarga jinoiy javobgarlikdan qutulish imkonini beradi.
Tashabbusning maqsadi chaqiriluvchilar sonini ko‘paytirish va erkaklar orasida Armaniston fuqaroligidan voz kechish holatlarining oldini olishdan iborat.
Dahshat! Vafot etgan 88 yoshli ayol tobutda hushiga keldi
Hindiston cho‘kib ketmoqda - yarim milliondan ortiq qurbonlar
G‘arb Kiyevning aerodromlarga qilgan hujumlaridan so‘ng noxush haqiqatni tan oldi
