AQShning yirik portlari rahbarlari Senatdan Tramp joriy qilgan boj to‘lovlarini bekor qilishni so‘ramoqda — Bloomberg

AQShning yirik portlari rahbarlari Senatdan Tramp joriy qilgan boj to‘lovlarini bekor qilishni so‘ramoqda. Bu haqda Bloomberg xabar berdi.

Port rahbarlariga ko‘ra, bojlar kemalar orqali yuk tashish hajmining keskin pasayishiga olib kelgan.

Ularning fikricha, bu holat ommaviy ishdan bo‘shatishlar, narxlarning oshishi va Qo‘shma Shtatlar iqtisodiyotining pasayishi bilan tahdid solmoqda.

"Dengiz orqali yuk tashish faoliyati butun Qo‘shma Shtatlar bo‘ylab 2,7 million ish o‘rnini bevosita qo‘llab-quvvatlaydi. Bu faqat portlarda emas, balki butun mamlakat bo‘ylab seziladigan ta’sirga ega. May oyi oxiriga kelib Osiyodan yetkazib berishlar 40 foizga kamayishi mumkin ", — deya izoh berdi G‘arbiy sohilidagi Long-Bich porti bosh direktori Mario Kordero.

Ushbu kutilmani Los-Anjeles porti ijrochi direktori Jin Seroka ham tasdiqladi. U hozirda yuk hajmi allaqachon kamayganini va Xitoydan yirik chakana sotuvchilar hamda ishlab chiqaruvchilar uchun deyarli barcha yetkazib berishlar to‘xtaganini, Janubi-Sharqiy Osiyodan yetkazib berishlar esa ancha qisqarganini bildirdi.