FedEx logistika kompaniyasi AQSh Xalqaro savdo sudiga Tramp ma’muriyatiga qarshi da’vo arizasi kiritib, prezident aprel oyida Xalqaro favqulodda iqtisodiy vakolatlar to‘g‘risidagi qonun (IEEPA) asosida joriy etgan boj to‘lovlarining to‘liq qaytarilishini so‘radi.
20 fevral kuni AQSh Oliy sudi prezident Donald Trampning IEEPA qonuni bo‘yicha boj joriy etish vakolatlari yetarli emasligini tasdiqladi va u tomonidan belgilangan bojlar noqonuniy, degan qarorga keldi. Biroq Oliy sud hukumat bojlar hisobidan olingan daromadlarni qaytarishi haqidagi masalani ko‘rib chiqmadi.
Tramp bu qarorni "sharmandali" deb atadi hamda Oliy sud "chet el manfaatlari ta’siri ostida" ekanini bildirdi. AQSh moliya vaziri Skott Bessent sud qaroridan so‘ng yaqin vaqt ichida mablag‘larni qaytarish ehtimoli past ekanini ta’kidladi.
Umraga borish 19 martdan rasman to‘xtatiladi
Tramp: "Menga mamlakatni vayron qilish huquqi berilgan”
O‘zbekistonliklar uchun Qatarda ishlash imkoniyati yaratildi
