AQShda Putin urushni tugatishni xohlayotgani haqidagi barcha xayollar yo‘qoldi — Zelenskiy

«Rossiya haqiqatan ham bu urushga barham berishni xohlayaptimi-yo‘qmi, degan masalada AQShdagi barcha xayollar yo‘qolganidan xursandman. Amerikada Rossiyaga nisbatan barcha qarama-qarshiliklar va qo‘rquvlar ham yo‘qolishiga ishonaman.

Rossiyaliklarni muzokaralar stoliga o‘tqazish kerak. Nihoyat ularni uvillatadigan sanksiyalarni joriy etish kerak. Ukrainga ularni urushni tugatishga majbur qiladigan barcha narsani berish kerak. Buning iloji bor.

Bugun Ukrainani himoya qilayotgan har bir narsa haqida avval bizga “imkonsiz”, keyin “juda qiyin”, so‘ng esa “bu qadar tez emas”, deyishgan. Keyin Amerika qaror qabul qilgan. Bu ish berdi. Amerikaning kuchi mutlaq edi»,

— dedi Ukraina rahbari dushanba kuni ertalab Ukraina fuqarolarini Mustaqillik kuni bilan tabriklar ekan.