AQShda nimadir bo‘lyapti: Senat o‘ningchi marta hukumatning moliyalash haqidagi qonun loyihasini rad etdi

AQSh Senati so‘nggi haftalarda 10 marta qisman to‘xtatib qo‘yilgan federal hukumatni moliyalashtirishga qaratilgan respublikachilar tomonidan qo‘llab-quvvatlangan qonun loyihasini rad etdi.

Uchrashuvni C-SPAN telekanali translyasiya qildi.

Prosessual ovoz berish jarayonida respublikachilar tomonidan ishlab chiqilgan va avvalroq Vakillar palatasi tomonidan ma’qullangan qonun loyihasini yuqori palataning 51 a’zosi yoqlab, 45 nafari qarshi ovoz berdi. Qonun loyihasini ma’qullash uchun senatorlarning 60 ovozi talab qilinadi.

Shunday qilib, demokratlar Senatdagi ko‘pchilik yetakchisi Jon Tyunning (R-Janubiy Dakota) qonun loyihasini ma’qullash va keyin ikki partiya haligacha kelishuvga erishmagan xarajatlar bandlarini alohida qonun loyihasida ko‘rib chiqish taklifini rad etdi. Senat avvalroq Demokratlar tomonidan ilgari surilgan hukumatni moliyalashtirishni davom ettirish to‘g‘risidagi qonun loyihasini kamida yetti marta rad etgan edi.

AQSh federal hukumatining qisman yopilishi 1 oktyabr kuni yarim tunda (Toshkent vaqti bilan 9:00) mablag‘ yetishmasligi sababli boshlandi. Bu Kongressdagi hukmron Respublikachilar va muxolifatdagi Demokratik partiyalar vakillarining ayrim xarajatlar moddalari, jumladan, sog‘liqni saqlash masalalari bo‘yicha kelishuvga erisha olmagani sababli yuz berdi. Ular kelishuvga erisha olishmayapti. Demokratlar va respublikachilar bir-birlarini yopilishni provokasiya qilishda va uni siyosiy maqsadlarda uzaytirishda ayblaydilar.