Tpamp va Zelenskiy uchrashuvdan oldin qo‘shma matbuot anjumanini o‘tkazishdi

AQSh prezidenti Zelenskiyni "ko‘p narsani boshidan kechirgan juda kuchli yetakchi" deb atadi va "biz bir-birimizni juda yaxshi tushunamiz", dedi. Shuningdek, u Zelenskiyning kostyumini maqtadi: "Siz bu kostyumda juda zo‘r ko‘rinyapsiz — juda zamonaviy".

Donald Trampning boshqa bayonotlar:

◾️ Kecha Putin bilan o‘tkazgan telefon orqali muloqotimni Zelenskiy bilan muhokama qilaman;

◾️ Vladimir Putin urushni tugatmoqchi. Prezident Zelenskiy ham urushning tugashini istaydi. Endi biz buni amalga oshirishimiz kerak;

◾️ Rossiya hududining ichkarisiga zarba berish eskalasiya hisoblanadi, biroq bu masalani Zelenskiy bilan muhokama qilamiz;

◾️ Vengriyadagi Rossiya–AQSh sammiti ikki tomonlama formatda o‘tkaziladi, ammo Zelenskiy men bilan aloqada bo‘lib turadi;

◾️ Vengriya Putin bilan uchrashuvimiz uchun eng maqbul va xavfsiz mamlakat;

◾️ Ukrainada ham Yaqin Sharqdagidek tinchlikka erishishimiz lozim;

◾️ Bizga Tomahawk'lar va Ukrainaga yuborilayotgan boshqa ko‘plab qurollar kerak. Bu urushni tugatishni istashimizning sabablaridan biri. Umid qilamanki, biz Tomahawk'lar haqida o‘ylamasdan ham bu urushni tugata olamiz. Biz bunga juda yaqinmiz;

◾️ AQSh Ukrainadan dronlar sotib olishdan manfaatdor. Ammo hech narsa qiruvchi samolyotlar bilan tenglasha olmaydi;

◾️ Xitoyga qarshi yangi boj stavkalarini joriy etish haqida o‘ylayapman. 1 noyabrdan kuchga kiradigan bojlar 100 foiz o‘rniga 157 foiz bo‘lishi mumkin;

◾️ Hindiston endi Rossiya neftini sotib olmaydi;

◾️ Ispaniya hech qason NATO'ga sodiq bo‘lmagan. Menimcha, unga tanbeh berish kerak.