AQShda koronavirus qurbonlari xotirasiga 3 kun davomida bayroqlar tushirib qo‘yiladi. Bunga AQSh prezidenti Donald Tramp ko‘rsatma bergan. Bu haqda Trampning o‘zi "Tvitter"ida ma’lum qildi.
“Biz koronavirus sababli yo‘qotgan barcha amerikaliklar xotirasiga federal binolar va milliy diqqatga sazovor joylarda keyingi 3 kun davomida bayroqlarni tushirtiraman”, deb yozgan Tramp o‘z xabarida.
Shuningdek, bayroqlar AQShda 25 may kuni nishonlanadigan urush qurbonlari xotira kunida ham tushirilgan holda qoladi.
Oxirgi ma’lumotlarga ko‘ra, AQShda koronavirusdan vafot etganlar soni 96 mingdan oshib ketdi.