AQSH, Xitoy va Rossiya harbiy xarajatlar bo‘yicha yetakchi

Global mudofaa xarajatlari ketma-ket 11 yildan beri o‘sib bormoqda va qariyb 3 trln dollarga yetdi.

Jahonda harbiy xarajatlar 11-yil ketma-ket o‘sishda davom etmoqda, eng katta byudjetlar esa SSHA, Xitoy va Rossiya hissasiga to‘g‘ri kelmoqda. Bu haqda Stokgolm xalqaro tinchlik tadqiqotlari instituti hisobotida ma’lum qilingan.

Ma’lumotlarga ko‘ra, 2025 yilda global harbiy xarajatlar 2,9 foizga o‘sib, 2,89 trln dollarga yetgan. Ularning jahon yalpi ichki mahsulotidagi ulushi 2,5 foizni tashkil etib, 2009 yildan beri eng yuqori ko‘rsatkichga yetdi.

Eng yirik uch davlat umumiy xarajatlarning yarmidan ko‘pini — taxminan 1,48 trln dollarni tashkil etgan.

SSHAning harbiy xarajatlari 954 mlrd dollargacha kamaygan. Bu, jumladan, Ukrainaga yangi harbiy yordam paketi qabul qilinmagani bilan izohlanadi. Shu bilan birga, Vashington yadroviy va an’anaviy qurollanishga sarmoya kiritishni davom ettirib, harbiy ustunlikni saqlash va Xitoyni tiyib turishga intilmoqda.

Xitoyda xarajatlar 7,4 foizga oshib, 336 mlrd dollarga yetgan, Rossiyada esa 5,9 foizga o‘sib, 190 mlrd dollarga yetgan.

Shu bilan birga, AQSh xarajatlarining kamayishi vaqtinchalik bo‘lishi mumkin: 2026 yil uchun tasdiqlangan byudjet allaqachon 1 trln dollardan oshgan va yaqin yillarda yana o‘sishi kutilmoqda.