AQSh vise-prezidenti The Wall Street Journal uning so‘zlarini noto‘g‘ri talqin qilganini bildirdi

Jey Di Vensning so‘zlariga ko‘ra, nashr uning AQSh harbiylarini Ukrainaga yuborish imkoniyati haqidagi bayonotini noto‘g‘ri talqin qilgan.

"WSJ mening so‘zlarimni noto‘g‘ri tushunganining o‘zi bemanilik. Men har doim aytganman: Qo‘shma Shtatlar harbiylari faqatgina milliy manfaatlarimiz va xavfsizligimiz talab etgan holatlardagina harbiy mojarolar hududida bo‘lishi kerak. Bu urush esa faqat Rossiya va Ukraina o‘rtasidagi mojaro", — deya yozdi Vens X ijtimoiy tarmog‘ida.

Avvalroq WSJ Vensning intervyusiga tayanib, Vashington Rossiya bilan Ukraina bo‘yicha kelishuvga erishish uchun iqtisodiy va harbiy bosim vositalaridan foydalanishi mumkinligini yozgan edi.