O‘zbekiston Respublikasi Interpol Milliy markaziy byurosi xalqaro qidiruvda bo‘lgan jinoyatchilarni mamlakatga qaytarish bo‘yicha muhim amaliyot o‘tkazdi. Ushbu chora Interpolning Toshkent va Anqara Milliy markaziy byurolari, AQShning O‘zbekistondagi elchixonasi, shuningdek AQSh va Turkiya vakolatli organlari bilan olib borilgan samarali hamkorlik natijasida amalga oshirildi.
O‘zbekiston fuqarolaridan iborat qidiruvdagi shaxslar soliq to‘lashdan bo‘yin tovlash, yirik miqdordagi firibgarlik va boshqa og‘ir jinoyatlarni sodir etganlikda gumon qilinmoqda. Ular bo‘yicha olib borilgan tezkor-qidiruv ishlari natijasida deportasiya qilish to‘g‘risida qaror qabul qilindi.
Amaliyot doirasida AQSh Immigrasiya va bojxona polisiyasi xodimlari hamrohligida ikki nafar shaxs Nyu-Yorkdan Toshkentga, yana ikki nafar shaxs esa Istanbuldan O‘zbekistonga olib kelindi. Qidiruvdagi jinoyatchilar Interpol Milliy markaziy byurosi va hududiy ichki ishlar organlariga topshirilib, keyingi tergov jarayonlari boshlandi.
Qarshida 150 nafar yo‘lovchili samolyot g‘oyib bo‘ldi
Aholiga subsidiya o‘rniga foizsiz qarz beriladi
Ichki ishlar vazirligi semiz xodimlarni ishdan bo‘shatadi
