AQSh va Eron o‘rtasidagi ziddiyat: Oraliq saylovlar muhim burilish nuqtasi bo‘lishi mumkin

AQSh va Eron o‘rtasidagi so‘nggi hujumlar almashinuvi fonida 3 noyabrda bo‘lib o‘tadigan oraliq saylovlar mojaroning hal qiluvchi nuqtasiga aylanishi mumkin. Al Jazeera yozganidek, Prezident Donald Tramp maslahatchilari saylovlargacha keng ko‘lamli urushning oldini olishga harakat qilmoqda.

Vashington harbiy kuch o‘rniga Eronga iqtisodiy bosim o‘tkazishga e’tibor qaratmoqda. Avgust oyida Tramp ma’muriyati Eron bilan savdo qiluvchi 60 ta tashkilotga qarshi sanksiyalar e’lon qilgan edi. Shu bilan birga, AQShning Hurmuz bo‘g‘ozidagi dengiz blokadasi Tehronning neft eksportiga bosim o‘tkazishda davom etmoqda.