Ukraina prezidenti Vladimir Zelenskiy AQShning sobiq prezidenti Donald Tramp bilan «mega-bitim» muhokama qilayotganini ma’lum qildi. Unga ko‘ra, Qo‘shma Shtatlar jangda sinovdan o‘tgan ukrain jangovar dronlarini sotib oladi, evaziga AQSh Ukrainaga qurol yetkazib beradi.
New York Post nashriga bergan intervyusida Zelenskiy bu suhbat texnologiyalar almashinuvi haqida bo‘lganini, Vashington ukrain kuchlari tomonidan 1300 km masofagacha muvaffaqiyatli qo‘llanilgan jangovar BPLAlarga qiziqish bildirganini, Ukraina esa Amerika qurollarini xarid qilishga tayyor ekanini aytdi.
«Amerikaga bu texnologiyalar kerak. Siz ularni o‘z arsenalingizda bo‘lishi kerak», — dedi Zelenskiy, dronlar Rossiya boskiniga qarshi kurashda asosiy omilga aylanganini ta’kidlab.
Uning so‘zlariga ko‘ra, Ukraina AQSh va boshqa Yevropa ittifoqchilari bilan tajribasini bo‘lishishga tayyor. Kiyev Daniya, Norvegiya va Germaniya bilan ham muzokaralar olib bormoqda.
Payshanba kuni Zelenskiy parlamentda yangi hukumat tarkibini taqdim etar ekan, AQSh bilan bo‘ladigan bo‘lajak bitimlar haqida so‘z yuritdi va ular «Ukrainani mustahkamlaydi», deb ta’kidladi. AQShning kelgusi yilgi byudjeti loyihasida kichik dronlarga sarflanadigan xarajatlar oshirilishi rejalashtirilgan — xususan, Ukraynadagi urush tajribasiga asoslangan holda.
Mashhur bloger Abduroziq Dubay aeroportida hibsga olindi
Dilshod To‘raxo‘jayev ishi: Rossiya O‘zbekistonga nota yo‘lladi
“UzAuto Motors” yangi to‘lov shartlarini e’lon qildi
