Nyu-York federal sudi voyaga yetmaganlarni jinsiy ekspluatasiya qilishda ayblangan moliyachi Jeffrey Epshteynning o‘z joniga qasd qilish to‘g‘risidagi yozuvi deb taxmin qilingan hujjatni e’lon qildi.
Bu haqda The New York Times nashri xabar bermoqda.
Yozuv 2019 yil iyul oyida Epshteynning kameradoshi Nikolas Tartalyone tomonidan topilgan. Gazetaning yozishicha, bu moliyachi hushidan ketgan paytda sodir bo‘lgan.
Hodisa Epshteyn qamoqxona kamerasida o‘lik holda topilishidan bir necha hafta oldin sodir bo‘lgan.
Nashr qilingan ma’lumotlarga ko‘ra, yozuvda prokuratura "bir necha oy davomida tergov olib borgan va hech narsa topmagan" deb da’vo qilingan. U "qiziqarli emas" va "bunga arzimaydi" iboralari bilan yakunlangan.
The New York Times yozuv aslida Jeffrey Epshteyn tomonidan yozilganligini tasdiqlovchi hujjatga ega emasligini ta’kidlaydi.
Eslatib o‘tamiz, Epshteyn 2019 yil 6 iyulda Nyu-York huquq-tartibot idoralari tomonidan hibsga olingan edi. Prokurorlar uni 2002 va 2005 yillar oralig‘ida Manxettendagi uyiga o‘nlab voyaga yetmagan qizlarning tashriflarini uyushtirganlikda ayblashdi. Tergovchilarning fikriga ko‘ra, eng kichigi 14 yoshda edi.
Epsteinning ishi nufuzli siyosatchilar, biznesmenlar, sobiq davlat rahbarlari va ko‘ngilochar arboblar bilan aloqalari tufayli keng xalqaro e’tiborga sazovor bo‘ldi. Moliyachiga qarshi jinoiy ish 2019 yil avgust oyida qamoqda vafot etganidan keyin to‘xtatildi.
Himolayda 2021 yilda yo‘qolgan rossiyalik talaba yildan keyin Nepaldagi baland tog‘li buddaviy monastirda topildi
O‘zbekistonliklar may oyida 14 kun dam oladi
Serxio Aguero: «Abduqodir Husanov shu darajani 3-4 yil saqlab qolsa, dunyoning eng yaxshi himoyachilaridan biriga aylanishi mumkin»
