Turkiya endi o‘sha Turkiya emas, dunyo ham avvalgi dunyo emas – Erdo‘g‘an

Turkiya Prezidenti Rajab Toyib Erdo‘g‘an Yevropa Ittifoqini tanqid qilib, Turkiyaga nisbatan siyosiy yondashuvni qayta ko‘rib chiqishga chaqirgan. Uning aytishicha, ayrim Yevropa institutlarida Turkiyaga nisbatan “strategik ko‘rlik” hali ham mavjud.

Erdo‘g‘an Yevropa Ittifoqi Turkiyasiz global kuch markaziga aylana olmasligini ta’kidlab, Anqara bilan munosabatlarda teng va konstruktiv yondashuv zarurligini bildirgan.

U shuningdek, dunyo yangi, ko‘p qutbli tizimga o‘tayotganini, Turkiya esa bu yangi xalqaro tartibda muhim markazlardan biri bo‘lishga tayyor ekanini aytgan.