AQSh Rossiyaga 3 ming nafar shimoliy koreyalik askar kelgani haqida ma’lumotga ega. Bu haqda Oq uy Milliy xavfsizlik kengashining strategik kommunikasiyalar bo‘yicha koordinatori Jon Kirbi ma’lumot berdi.
"Taxminimicha, bu askarlar kemada Shimoliy Koreyadan Vladivostokga, so‘ngra Rossiya sharqidagi turli o‘quv bo‘linmalariga yuborilgan. Hozirda ular o‘sha yerda mashg‘ulotlar o‘tkazmoqda", - deya ma’lum qildi Kirbi matbuot anjumanida.
Shu bilan birga, u Qo‘shma Shtatlarda Rossiya Federasiyasiga yuborilgan KXDR harbiy xizmatchilari Ukrainadagi mojaroda ishtirok etishi haqida ma’lumot yo‘qligini aytdi.