«Barselona» bosh murabbiyi: «Men hech qachon bunday o‘yinchini ko‘rmaganman»

«Barselona» bosh murabbiyi Xans-Diter Flik «Bavariya»ga (4:1) qarshi o‘yindan so‘ng Rafinya Diasning o‘yinidan xursand bo‘ldi.

Braziliyalik futbolchi xet-trik qayd etdi - u myunxenliklar bilan uchrashuvning 1, 45 va 56-daqiqalarida gol urdi.

«Mening jamoalarimda hech qachon Rafinyadek futbolchi bo‘lmagan. U maksimal fidoyilik bilan harakat qiladi va o‘yinga bor kuchini beradi. U to‘p bilan ham, to‘psiz ham juda yaxshi, u doimo pressingni boshlaydi va vaziyatlarni golga aylantiradi. Va u har doim tabassum qiladi», - dedi Flik.