Eron zarbalaridan so‘ng Amerika ob’ektlariga yetkazilgan zarar minimal darajada bo‘ldi, deb xabar bermoqda AQSh Qurolli Kuchlari Markaziy qo‘mondonligi (CENTCOM).
«AQSh ob’ektlariga yetkazilgan zarar juda kam bo‘ldi va amaliyotlar o‘tkazilishiga ta’sir qilmadi», — deyiladi bayonotda.
CENTCOM qo‘shimcha qilishicha, amerikalik harbiy xizmatchilar orasida jabrlanganlar yo‘q.
Qayd etilishicha, AQShning Yaqin Sharqdagi kuchlari Eron tomonidan uchirilgan yuzlab raketa va dronlarni qaytarishga muvaffaq bo‘lgan.