AQSh Putinga bir necha kun muhlat berdi

AQSh Davlat departamenti keyingi bir necha kun Ukrainadagi tinchlik uchun hal qiluvchi ahamiyatga ega bo‘lishini ma’lum qildi.

Vashington Rossiya prezidenti Vladimir Putindan aniq harakatlarni kutmoqda. Bu haqda AQSh Davlat departamenti matbuot kotibi Temmi Bryus xabar berdi.

Vashingtonda yaqin kunlar Ukrainada tinchlik o‘rnatish uchun o‘ta muhim bo‘lishi mumkinligi ta’kidlandi.

Bryusning aytishicha, AQSh Rossiyadan quruq so‘zlar emas, balki amaliy qadamlar, xususan, darhol o‘t ochishni to‘xtatishni kutmoqda.

U Ukraina tashqi ishlar vaziri Andrey Sibiganing Kiyev 9 mayni kutmasdan, hoziroq yarashuv tashabbusini qo‘llab-quvvatlashga tayyor ekanligi haqidagi taklifiga izoh berdi.

"Agar bu haqiqatan ham insonparvarlik majburiyatlari bo‘lsa, nima uchun 10 kun kutish kerak? Masala AQSh prezidenti va davlat kotibi (Donald Tramp va Marko Rubio) so‘rayotgan narsada emas, balki bizga bu tomonlar, ayniqsa Putin, qon to‘kilishini to‘xtatishga jiddiy munosabatda ekanligini ko‘rsatadigan amaliy harakatlar kerak," - dedi Bryus.

Davlat departamenti hozir ramziy bayonotlar vaqti emas, balki Kremlning haqiqiy niyatlarini baholash uchun haqiqat payti ekanligini ta’kidladi.

AQSh Moskvadan tinchlikka tayyorligini so‘zda emas, balki amalda namoyish etishini kutmoqda.