Ruminiyaliklar 8 dekabrgacha suvsiz qoladi

Ruminiya janubidagi o‘ndan ortiq aholi yashash punktlari juma kunidan beri suv ta’minoti tizimlarining tiklanishini kutishmoqda. Bir necha muammolar tufayli suv ta’minoti uzilib qoldi, deya xabar beradi AZERTADJ.

Ruminiyada Praxova va Dimbovisa hududlaridagi 14 qishloq yoki 100 mingga yaqin aholi juma kunidan beri suvsiz qolmoqda. Muammo Paltinu ko‘lidan suv chiqishi bilan bog‘liq. Suvni chiqarish profilaktika ishlari uchun amalga oshirildi, chunki yomg‘irdan keyin uskuna ishdan chiqdi, deb yozadi “Evropeyskaya pravda”.

Zarar ko‘rgan hududlarga suv tashuvchi avtomashinalar jo‘natilib, davlat jamg‘armasi hisobidan shishaga solingan suv yetkazib berilmoqda. Biroq, mahalliy do‘konlarda suv tezda tugab bormoqda.

Suv yo‘qligi sababli maktab o‘quvchilari onlayn ta’limga o‘tkazildi, mahalliy tibbiyot muassasalarining ishi cheklandi.

Eng yomon holatda suv ta’minoti faqat kelasi dushanba, 8 dekabrda tiklanadi.

Ruminiya atrof-muhitni muhofaza qilish vaziri Diana Buzoyanu voqeani "nafaqat texnik muammo, balki professionallik yetishmasligining aniq belgisi" deb atadi.