AQSh prezidenti Donald Tramp Oq uyda Yaponiya bosh vaziri bilan uchrashuv chog‘ida bir qator bayonotlar bilan chiqdi:

— Tramp Putin bilan har doim "yaxshi munosabatda" bo‘lganini ta’kidladi. U, shuningdek, Putin bilan muzokara o‘tkazish niyatini saqlab qolishini ma’lum qildi;
— Zelenskiy bilan uchrashuvda Ukraina tabiiy resurslari va urushni tugatish masalalari muhokama qilinadi;
— Vashington Ukrainaga sarflagan pullar evaziga biror narsa olishi ham kerak, deb Zelenskiyga yetkazgan: "Endi hech kim AQShdan foydalanolmaydi";
— Rossiyada halok bo‘lgan va yaralangan harbiylarning umumiy soni 800-900 ming nafarni tashkil qiladi. Ukrainada esa taxminan 700 ming;
— Yaponiya AQShdan rekord darajada suyultirilgan gaz sotib oladi;
— Vashington va Tokio Alyaskada energiya resurslari qazib olish masalasini ham muhokama qilmoqda;
— FBR xodimlari, xususan Kapitoliyga bostirib kirish ishini tekshirganlar ishdan bo‘shatiladi;
— AQSh KXDR va Kim Chen In bilan munosabatlarni saqlab qoladi;
— Zelenskiydan AQSh Ukrainaga sarflagan mablag‘ uchun ekvivalent so‘ralgan. Amerikalik soliq to‘lovchilarning mablag‘lari xavfsizligini ta’minlash kerak.