AQSh generali Trampning Ukrainani himoya qilishdan bosh tortishini “halokatli xato” deb atadi

Ittifoqchi kuchlarning Yevropadagi sobiq oliy qo‘mondoni Ben Xodjes Donald Trampning Ukrainada Kremldan endi o‘t ochishni to‘xtatishni talab qilmaslik va sanksiyalar bosimidan voz kechish qarorini keskin tanqid qildi. Uning so‘zlariga ko‘ra, bunday pozisiya "Amerika prezidentiga bo‘lgan ishonchga jiddiy putur etkazadi" va "Qo‘shma Shtatlar uchun kamsituvchi" bo‘ladi.

"Amerika buni yolg‘iz o‘zi uddalay olmaydi, bizga ittifoqchilar kerak va ularning eng yaxshilari Yevropa, Kanada va Avstraliyada. "Agar Qo‘shma Shtatlar buni faqat Yevropa muammosi desa, menimcha, bu o‘nlab yillar davomida biz bilan birga bo‘lgan ittifoqchilarimizga xiyonat qilgan bo‘lardi", - deydi Xodjes.

Uning so‘zlariga ko‘ra, agar AQSh haqiqatan ham muzokara jarayonidan chiqib ketsa va Ukrainaga yordam berishni to‘xtatsa, Yevropa yetakchi rolni o‘z zimmasiga olishga majbur bo‘ladi.

"Germaniya eng yirik va kuchli iqtisod sifatida yetakchilikni qo‘lga kiritishi kerak. Menimcha, boshqa Yevropa davlatlari ham Germaniya yaxshi o‘rnak bo‘la oladimi yoki yo‘qligini ko‘rishni kutmoqda", - deya qo‘shimcha qildi Xodjes.

Generalga ko‘ra, Rossiyaning maqsadlari o‘zgarishsiz qolmoqda – Ukrainani davlat sifatida yo‘q qilish va NATOni yo‘q qilish.

"Agar Rossiya alyans a’zosiga hujum qilsa va biz bunga munosib javob bermasak, bu butun ittifoqning oxiri bo‘lishi mumkin", - deya ogohlantirdi Xodjes.