AQSh Eronga qayta ishlanmagan metallar va ko‘mir yetkazib beruvchilarga nisbatan sanksiyalar joriy qiladi

AQSh ma’muriyati Eron qurilish sektoriga qayta ishlanmagan metallar, grafit, ko‘mir va dasturiy ta’minot yetkazib beruvchilarga nisbatan sanksiyalar joriy etishga qaror qildi.

Bu haqda Davlat departamenti tarqatgan yozma bayonotda aytiladi.

Davlat departamenti Eronning qurilish sektori Islom inqilobi qo‘riqchilari korpusining (IRGS, qurolli kuchlarning elita kuchi) "to‘g‘ridan-to‘g‘ri yoki bilvosita nazorati ostida" degan xulosaga keldi. Tashqi ishlar vazirligi, shuningdek, "Eronning yadroviy, harbiy va ballistik raketa dasturlarida foydalanilgan 10 ta strategik material" ro‘yxatini e’lon qildi. Davlat departamenti matbuot kotibi Temmi Bryus: "Ushbu qarorlar bilan Qo‘shma Shtatlar Eronning IRGS nazoratidagi qurilish sektori va uning ommaviy qirg‘in qurollarini tarqatish dasturlari uchun strategik materiallarni sotib olishiga yo‘l qo‘ymaslik uchun kattaroq sanksiyalar vakolatiga ega" dedi.

Tashqi ishlar vazirligining ta’kidlashicha, "Eronga to‘g‘ridan-to‘g‘ri yoki bilvosita qayta ishlanmagan va yarim qayta ishlangan metallar, grafit, ko‘mir va dasturiy ta’minotni integrasiyalashgan sanoat maqsadlari uchun bila turib sotgan, yetkazib bergan yoki o‘tkazgan har qanday shaxs, agar ushbu materiallar Eron qurilish sektori bilan bog‘liq bo‘lsa, majburiy sanksiyalarga duchor bo‘ladi".