AQSh Erondagi namoyishchilarga 6000 ga yaqin Starlink terminalini yubordi

Qo‘shma Shtatlar Erondagi namoyishchilarga bir necha ming Starlink sun’iy yo‘ldosh aloqa terminallarini yetkazib berdi.

Bu haqda The Wall Street Journal nashri xabar bermoqda.

Gazeta xabariga ko‘ra, Eronga taxminan 6000 ta terminal noqonuniy ravishda jo‘natilgan. Davlat departamenti so‘nggi bir necha oy ichida taxminan 7000 ta Starlink terminalini sotib olgan, ularning aksariyati yanvar oyida.

Nashrning ta’kidlashicha, AQSh prezidenti Donald Tramp bu harakat haqida xabardor qilingan, ammo u buni to‘g‘ridan-to‘g‘ri sanksiya qilganmi yoki yo‘qmi noma’lumligicha qolmoqda.

Yanvar oyida Bloomberg nashri Ilon Maskning SpaceX kompaniyasi Erondagi Starlink infratuzilmasi uchun kirish to‘lovlaridan voz kechganini xabar qildi.

29 dekabr kuni Eronda milliy valyutaning keskin pasayishi va narxlarning oshishi tufayli ommaviy norozilik namoyishlari bo‘lib o‘tdi. Keyingi tartibsizliklar natijasida 3000 dan ortiq odam, jumladan, taxminan 40 nafar huquqni muhofaza qilish organlari xodimi halok bo‘ldi.