AQSH–Eron urushi sabab oziq-ovqat narxlari oshishi mumkinmi?

AQSh va Eron o‘rtasidagi urush hamda Hormuz bo‘g‘ozi blokadasi global oziq-ovqat narxlariga jiddiy ta’sir ko‘rsatishi mumkin.

BBC ma’lumotlariga ko‘ra, ushbu yo‘l orqali Fors ko‘rfazi nefti, gazi va o‘g‘itlarining taxminan 20 foizi jahon bozoriga chiqadi. Blokada bu ta’minot zanjirini izdan chiqarmoqda.

BMT va Jahon banki ogohlantirishicha, urush cho‘zilsa, yangi global oziq-ovqat inqirozi yuzaga kelishi mumkin.

Asosiy omillar:

• Azotli o‘g‘itlar narxi 40–60 foizga oshgan
• Dengiz orqali o‘g‘it tashish keskin kamaygan
• Gaz va energiya ta’minotidagi uzilishlar ishlab chiqarishni qimmatlashtirgan
• Xitoy kabi yirik eksportchilar ham eksportni cheklamoqda

BMT Jahon oziq-ovqat dasturi hisoblariga ko‘ra, agar mojaro yil o‘rtasigacha davom etsa, qo‘shimcha 45 million kishi ochlik xavfiga tushishi mumkin.