AQSh Davlat departamentida "tug‘ruq turizmi"ga qarshi kurashish uchun maxsus bo‘lim tashkil etildi

​Gap homilador ayollar farzandi mamlakat fuqaroligini olishi uchun Qo‘shma Shtatlarga tug‘ishga borishi amaliyoti haqida bormoqda.

​Davlat departamenti rahbari Marko Rubio ma’lum qilishicha, bo‘lim "viza egalarining faolligini tekshirish, "tug‘ruq turizmi"ning noqonuniy tarmog‘ini yo‘q qilish va AQSh qonunlarining dahshatli tarzda suiiste’mol qilinishiga chek qo‘yish" uchun tuzilgan.

​Ishning birinchi oyida bo‘lim butun dunyo bo‘ylab xorij fuqarolaridan 600 dan ortiq AQSh vizalarini bekor qildi.

​AQSh prezidenti Donald Tramp avgust boshida tug‘ilish huquqi bo‘yicha mamlakat fuqaroligini olishni cheklaydigan ikkita farmonni imzolagan edi. Ulardan biri "tug‘ruq turizmi" amaliyotiga qarshi qaratilgan.