AQSh Davlat departamenti Isroil va Livan o‘rtasidagi vaqtinchalik otashkesim sulhi matnini e’lon qildi

Ushbu kelishuv 17 aprelga o‘tar kechasi kuchga kirdi va o‘n kun davomida amalda bo‘lishi kutilmoqda. Uning asosiy bandlari quyidagilardan iborat:

◾️ Livan va Isroil mustahkam tinchlik o‘rnatish, shuningdek, bir-birining suvereniteti va hududiy yaxlitligini tan olish ustida ishlaydi;

◾️ Tomonlar Livanda harakat qilayotgan nodavlat qurolli guruhlarning faoliyatini cheklashi zarur;

◾️ AQSh Isroilning “rejalashtirilgan, muqarrar yoki davom etayotgan hujumlardan” o‘z-o‘zini mudofaa qilish uchun istalgan vaqtda barcha zarur choralarni ko‘rish huquqini o‘zida saqlab qolishini tan oladi.

Avvalroq AQSh prezidenti Donald Tramp Isroil va Livan 1993 yildan beri ilk bor to‘g‘ridan-to‘g‘ri muzokaralar o‘tkazganidan so‘ng, o‘t ochishni 10 kunga to‘xtatishga kelishib olganini e’lon qilgan edi.