Aqlli svetoforlar, yangi belgilar: yo‘l harakati qoidalariga o‘zgartish kiritiladi

O‘zbekiston respublikasi hukumatining ayrim qarorlariga yo‘l infratuzilmasini rivojlantirish va harakat xavfsizligini oshirish bo‘yicha o‘zgartish va qo‘shimchalar kiritish to‘g‘risida loyiha ishlab chiqildi.

Unga ko‘ra, yo‘llarda xavfsizlikni oshirish bo‘yicha "aqlli svetoforlar" va texnik vositalar joriy etiladi.

Chorrahalar va piyodalar o‘tish joylarida zamonaviy texnologiyalar qo‘llaniladi.

Yo‘llarni yoritish, tozalash va belgilash xizmatlarini xususiy (autsorsing) kompaniyalar orqali tashkil etish rejalashtirilmoqda.

Shuningdek, sohaga “Avariya o‘chog‘i” tushunchasi ham kiritiladi. Unga yo‘l-transport hodisalari tez-tez sodir bo‘ladigan hududlar kiritiladi. Ular uch turga bo‘linadi:

—Uzoq saqlanuvchi: doimiy xavfli hududlar (ko‘priklar, tog‘ yo‘llari).
—Mavsumiy: ob-havoga bog‘liq xavfli joylar.
—Qisqa muddatli: vaqtinchalik xavfli joylar (3 oygacha).