"Nottingem Forest" bosh murabbiyi Ange Postekoglu ishsiz qolish xavfi ostida. Avstraliyalik sentyabr oyi boshida "o‘rmonchilar" boshqaruviga kelgan, ammo natijalarni yaxshilay olmagan - yettita o‘yinda beshta mag‘lubiyat va ikkita durang. Jurnalist Grem Beylining ma’lum qilishicha, 60 yoshli murabbiy Premyer-ligada "Chelsi"ga qarshi uy uchrashuvida muvaffaqiyatsizlikka uchrasa, iste’foga chiqarilishi mumkin. Uchrashuv shanba kuni (Toshkent vaqti bilan 16:30) bo‘lib o‘tadi.
Eslatib o‘tamiz, avvalroq Ange Postekoglu ikki yil davomida "Tottenxem"ni boshqargan edi. "Shporlar" rahbariyati o‘tgan yozda Yevropa Ligasidagi g‘alabaga qaramay, mutaxassisni iste’foga chiqargan edi.
"Nottingem Forest" Angliya chempionatining 7-turidan keyin turnir jadvalida 17-o‘rinni egallab turibdi.
O‘zbekistonning "JCH–2026" guruh bosqichidagi raqibi o‘zgarishi mumkin
Gvardiola Husanov sariq kartochka olgan vaziyat haqida fikr bildirdi
Elmurod Haqnazarov braziliyalik raqibidan ustun keldi
