Anqara Rossiya va Ukraina o‘rtasidagi tinchlik haqida gapirdi

Turkiya tashqi ishlar vaziri Hoqon Fidan Reuters agentligiga bergan suhbatida Ukrainadagi urushni tugatishga qodir har qanday kelishuv uning davom etishidan ko‘ra afzalroq bo‘lishini ta’kidladi.

Uning aytishicha, hozirgi vaziyat murakkab bo‘lib, oson yechimlar topish qiyin. "Bu ahvolning o‘ziga xos jihatlari murakkab va ehtimol hech qachon osonlashmaydi," - deb qayd etdi u.

"Har qanday taklifni qabul qilish oson kechmaydi. Ammo, agar buni yanada ko‘proq vayronagarchilikka olib keluvchi muqobil variant bilan taqqoslasak, menimcha, har qanday shart urushning davom etishidan ko‘ra ma’qulroq bo‘ladi," - deb ta’kidladi Fidan.

Turkiya Tashqi ishlar vazirligi rahbari ikkala tomon tomonidan ma’qullangan kelishuvlarga erishilsa, ularga rioya qilinishi ehtimoli mavjudligini bildirdi.