Anchelotti bugunoq "Real"dan haydalishi mumkin

Madridning "Real" klubi bosh murabbiyi Karlo Anchelotti bugunoq iste’foga chiqarilishi mumkin.

"Qaymoqranglilar" o‘z uyida La Liganing 32-turidan o‘rin olgan bahsda "Atletik"ni qabul qiladi. Relevo nashri tarqatgan xabarga ko‘ra, "Real" murabbiy o‘yin yakunlanishi bilan jamoa g‘alaba qozonmasa, ishdan bo‘shatilishi mumkinligini istisno qilmayapti.

Madridliklar Ispaniya chempionati turnir jadvalida ikkinchi o‘rinda bormoqda va peshqadam "Barselona"dan bitta zaxira o‘yini bilan 7 ochko ortda qolmoqda.

Turli manbalarga ko‘ra, Karlo Anchelotti "Real"ni yozdan kechikmay tark etadi, uning o‘rnini esa katta ehtimol bilan Xabi Alonso egallaydi.