UzAuto Motors, bugun, 26 yanvardan Malibu-2 avtomobilini sotish bo‘yicha yangi arizalar qabul qilishni boshlagan edi. Lekin sanoqli soatlar o‘tib, kontraktasiya to‘xtatilgan.
Kun.uz muxbiri bog‘langan kompaniya rasmiy vakilining so‘zlariga ko‘ra, ayni vaqtda xaridorlar bilan yangi shartnomalar tuzilmayapti, biroq bu vaqtinchalik holat bo‘lishi mumkin.
Bu – QQSning 15 foizdan 12 foizga pasaytirilgani hisobiga Malibu-2 narxi 10 mln so‘mga arzonlashgani ortidan ro‘y bermoqda.
Avtosalonlardan birining Telegram-kanalidagi tushdan keyingi e’londa Malibu sotuvdan olinganini ko‘rish mumkin.
Ma’lumot uchun, UzAuto Motors yiliga 2900 dona Malibu-2 avtomobilini import qiladi va ichki bozordagi iste’molchilarga yetkazib beradi. Shu paytga qadar olib kelinayotgan avtomobillarning tannarxi ochiqlanmagan.
Avvalroq, UzAuto Motors qimmat modellari uchun kontraktasiyani ochdi. Narxlar o‘zgargani haqida xabar bergan edik.
Alisher Qodirov Rossiya Davlat dumasi spikeriga javob qaytardi
Toshkentda 22 yoshli yigit BYD’da YPX xodimini qasddan urib ketdi
Samarqandda uyi qulagan fuqaro qo‘shnisidan 300 ming dollar talab qildi
